Ahrweiler em Schnie

Wie leiht os ahle Stadt su still
em Schnie, em weiße Schnie,
et schneit als all die Woche vill,
on imme kütt noch mih.

Et es wie en nein Märchedraum
aus Schnie, aus weißem Schnie,
vür mengem Finste steiht en Baum
wie laute Phantasie.

Die Kendefreud op Fluß on Pad
em blanke, weiße Schnie,
die Schnieballschlaach op Stroß on Maat –
wör mer doch jung wie die!

Mir Ahle äwwer hann jenoch
von Läwwenseis on Schnie,
mir krejen os e öendlich Booch,
mir dolle jetzt net mih.

De Portze dröhn all staatse Höht
on stöhn su still em Schnie,
on och em eijene Jemöt,
do es et still wie nie.

(Aus E. K. Plachner „Gesammelte Gedichte“ I. Band, Abschnitt „Heimatlaut“)